الوصايا العشر :: كيف تصبح شخص مزعج (سكّان)؟؟

أبريل 12, 2007 at 9:36 م | In حركات, صور, طريفة, ليبيا | 1 Comment

بورات Borat

بدون تعب او مغالاة … بعشر عادات سيئة تصبح مزعج ، أرجو قراءة الوارد هنا إلى ان انتهي من إعداد باقي القوائم (كيف تصبح ثقيل الظل ، كيف تعرف الشعبوط ، كيف تمزق مشاعر البلابل …إلخ) قراءة ممتعة



1- دربك (طبّل ) على كل طاولة وكل كتاب وكل سطح مكتب تلقاه قدامك

2- احفظ اي اغنية انجليزية ماكش فاهمها و ابدا غنيها في كل مناسبة وفي كل مكان تمشيله

 3- لما تشوف ناس متحمسين و يهدرزو في موضوع … غير الموضوع وما تعطيهمش اي اهمية

4- دير رنات لجماعتك بعد الساعة اثنين (خلي نقالك عالصامت بيش ما يردولكش الطرح)5- في الشارع دير خيرات و شير بإيدك للي ما تعرفهمش

 

6- إللي يحكي معاك و يفضفضلك …. خليه يكمل و بعدها اسأله سؤال يوحي بأنك ما كنتش معاه (سؤال برة الموضوع)

7- احفظ نكتة و ديما عاودها (يا ريت تكون بايخة زي اهيا :: أحول راقد في النوم ناض مرتين).

8- خلي ألوان دبشك خاشة بعضها زي البرتقالي مع الأخشر (طرحة المزرعة) وللا الأحمر مع الأصفر وللا اي لونين شايلة بيناتهم

9- دز رسالة SMS  للي تعرفهم نصها “ما سمعتش شن صار لفلان ؟؟؟ يومها لما (جزء من النص مفقود)” ولما يتصلو  بيك بش يستفسرو ما تردش

10- ألوان التلفزيون متاعك عدلهم على اللون الأخضر و خلي الاخرين يتفرجو ويبدو اعجابهم باللون اهوا

ما تنساش تبعت القائمة اهيا للي تحبهم و يعزوا عليك بالك تحصل من وراهم اجر

هذا ما عندي … كان عندك أي اضافة تقدر تضيفها في الملاحظات

تعليق واحد »

خلاصة "RSS" للتعليقات على هذه التدوينة. عنوان التتبع

  1. المهم هو عشر وصايا لتكون على حسن خلق

    Comment بواسطة fatima — سبتمبر 24, 2008 #

    رد

أضف تعليق

XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>

المدونة لدى WordPress.com. | Theme: Pool by Borja Fernandez.
Entries and comments feeds.